SUSUNAN ACARA BERBAHASA BUGIS

SUSUNAN ACARA BERBAHASA BUGIS

TabE' maraja.. siarE-arE uleng mappurallaloE, toriyEllau tulungi ri sellaoE, maElo'i riyEbbureng "Susunan Acara Berbahasa Bugis", akkatta ribacai ri acara "Pelepasan/Perpisahan Siswa Yang Tamat". Riayalai appasilElEng ri Goup malebbikkeng, akkatta mamuarE engkai makkEguna lao risEsE alebbikkeng. Ebara'i engka ammana kurang, padaikkeng maserro UPORENNU paggenne'i. Paimeng rEkko engka tappasala, padaikkeng upalEngengeng pale'ku naweddingngi namadEcEng, sarEkkoammengngi lebbi madEcEngngi riappasilElEng.. TabE :

Ciddai galungna Luwu
Sedding tennaEsa’na
Turungeng Tomaru’

Oo Jorii’, Allempuno mai
Mulise’ Saoraja
MuparEwa panrE

AnrEmata toddo’puli
MakkanrE samparaja
Seppipi nalara’

Kapangnga’ pattentuwangnga’
DimEngngE ri mulaE
Mubali Attakka

Wennang putE mappEsona
EjaE mamminasa
Bali’ Sipuppureng

Wennang putE mappEsona
Tebbali temmalullu’
TEya lajo unga

Kuru pole Sumange’ta sinining TopolEkkeng, nasaba’ engkangetta mpawa barakka’ alebbireng, tudang tenrilapi’ jali, tenritadangi tappErE, banna masE-masE pada riala pattoana pasaukininnawa.

TabE, maraja parEllau addampengku lao ri sEsE alebbirengta maneng, akkatta mamminasa patarakka’i sEddi gau’ rilalengna iyE wettuE, iyanaritu : PappanrE temme’na enreng parEllau simangna ana’-ana’ Kelase’ enneng, SD Negeri 85 Parepare, rilalengna Taung Pilajareng 2011/2012.

Tomalebbikkeng, Bapak Kepala UPTD Dinas Pendidikan Kecamatan Bacukiki,
Tomalebbikkeng, Bapak Pengawas SD Kecamatan Bacukiki,
Tomalebbikkeng, Bapak Kepala Sekolah SD Negeri 85 Parepare,
Tomalebbikkeng, Bapak Ketua Komite SD Negeri 85 Parepare,
Sining AnrE guru malebbikkeng, paimeng tomatoa malebbikeng engkaE hadErE’,
Tenriyallupai paimeng, ikkeng passibawang siassikolakkeng ri ammasE-masEna.

Assalamualaikum Warahmatullahi Wabarakahtuh

Tomalebbikkeng engkaE hadErE’

- Naiyya rialaE gau’ mammulang rilalengna onrong malebbi’E, iyanaritu : Pabbukkaa’ acara riyarE'ga gaukeng napatarakka’E alEna tomabbacaE. Pada laoni’mai simata mpukka’I gau’ madEcEngngEdE nasaba’ papEsabbi lao riasengna Puang Allahu Ta’ala, iyanaritu : Bismillahirrohmaanirrohiim,

- Gaukeng maduaE, iyanaritu : Pappangaji silaong ri bettuwengna ritu. TabE maraja lao ri pabbacana iya dua,

- Gaukeng matelluE, mappanari Padduppa. Lao rialEna panari’E, riyalangni wettu pangoloi toanana,

- Gaukeng ma’eppaa’E, iyanaritu : pappaissengenna Ketua Panitiana iyE gau’E,

- Gaukeng malimaE, Qasidah Rebana ripasilariengngi Nasyid,

- Gaukeng ma’ennengna, iyanaritu : paddampE-rampEna alEna tomalebbikkeng Bapak Kepala Sekolah SD Negeri 85 Parepare. Lao rialEna tomalebbikkeng, ripersilahkanni nasimata pappakaraja,

- Gaukeng mapituE, paddampE rampE silappa dua lappa pole ri alEna tomalebbikkeng Bapak Ketua Komite SD Negeri 85 Parepare. Lao rialEna tomalebbikkeng, ripersilahkanni nasaba simata ripakalebbi’,

- Gaukeng maruwa’E, iayanaritu : Panari’ Rampak AcEh,

- Gaukeng masEraa’E, Dararinna rilaleng pasengna Anana’ maElo’E ripatemme’ matti’ pawElaiyyE, ripasibaling silappa dua lappa taro sEngerengna Anana’ riwElaiyyE,

- Gau' maseppulona, Pabbaca puisi,

- Gaukeng mangoloE paimeng, iyanaritu : ada-ada malebbi na sule’sana pole ri Tomalebbikkeng alEna Bapak Kepala UPTD Dinas Pendidikan Kecamatan Bacukiki. Lao rialEna tomalebbikkeng, tabE maraja ripersilahkanni nasaba simata alebbirengna,

- Gaukeng rimunrinna ritu, Pangajaa malebbiina AgamaE,

- Gaukeng mangoloE, iyanaritu : Oni-oni Pianika,

- Gaukeng ri munrinna ritu, ElongkElong lao tungke’,

- Gaukeng mangoloE, iyanaritu : ElongkElong mappasamang sadda,

- Gaukeng ri munrinna ritu, parEllau doing,

- Gaukeng mangoloE maElo’E ripatarakka risEsE alebbiretta maneng, iyanaritu : MappEsau-sau ripasibawang culE-culE,

• CulE-culE mamulang, dEnsingna anana’ Kelase’ sEddi,
• CulE-culE dappiina, iyanaritu : dEnsingna anana’ Kelase’ dua,
• CulE-culE matellunna, iyanaritu : dEnsingna anana’ Kelase’ tellu.

- Naiyya riyalaE cappa' gaukeng, iyanaritu rialaE pattongko’ gau’.
Tanekko ade’ natuwo

Pallimpo bunga putE
MumasallE lolang
Laoko popateddung langi
Posampu temmalulu
Lawangeng mabEla
Luttuni pEppajaE
MaccEkkEng riawa wElenrEng
MamuarE papolE sEngereng
Aga kuwEllau simangna risEsE alebbikkeng
Akkatta patokkong gau’ sukkumpulaweng
Mauni ripasalEppangi lipa’ kapE’-kapE’
Pajaneng malilling
Padaiikkengpa rirennuang pada mattEppang
REkkopalE’ engka tappasala rilalengna gaukkeng
RiyEllau dEcEngna nyameng kininnawakkeng
MamuarE papolE addampeng ri masE-masEkkeng

MadEcEngni kapang rEkko ripaggangkani gau'keng, nasaba pau-pau malebbi simata mappoji ri sEsE arajangna Puang Allahu Ta'ala

Alhamdulillahirobbilalamiin
Wassalamualaikum Warohmatullahi Wabarakatuh